Karen Murdarasi (asker) Oct 26, 2020:

Interesant. Une nuk e njihja fare kete fjale "bujtje".

Edlira Lloha Oct 21, 2020:

c) Një zgjedhje e fundit do të ishte edhe ‘strehim’. Në përgjithësi, me strehim nënkuptohet një dorë që të ndihmon, që në përgjithësi është ‘dora e shtetit’. Kur flitet për të drejtat e njeriut, flitet edhe për “të drejtën për strehim”. Tani, ‘e drejta për strehim’ është një e drejtë e njeriut, për sigurimin e së cilës shteti ndërmerr një seri masash (ndonëse, nuk arrin ta çrrënjosë plotësisht dukurinë e mungesës së strehimit).
Pra, ‘strehimi’ është një çështje pak më e gjerë dhe shteti ka një rol këtu. “Shelter” do të ishte anglisht.

Edlira Lloha Oct 21, 2020:

b) Sidoqoftë, unë e kuptoj që mikpritja është përgjithësisht falas, kurse shërbimi në fjalë nuk është detyrimisht i tillë (ndonëse mund të subvencionohet nga shteti), ndaj pse të mos i rikthejmë fjalët tona aq të bukura si ‘bujtës’, ‘bujtinë’ ‘bujtinarë’? Kështu dhe e kuptojmë më mirë akoma, janë të ardhur që u ka rënë rruga, kanë marrë mundimin të vijnë deri te ne, pra nuk janë të ftuar nga ne (që mund të nënkuptohet nga “mikpritja”). Kështu pra, mund të përdorim “bujtinarët”, ndryshe “kompanitë që ofrojnë vend për bujtje”. Kjo fjala ‘bujtje’ i nënkupton të gjitha.

Edlira Lloha Oct 21, 2020:

Disa propozime Është një shprehje që nuk është standardizuar. Shpeshherë e gjen të papërkthyer fare si “ofrues të akomodimit”.

Por, do të isha për ta njësuar përdorimin e saj. Propozimi im është si vijon:
a) “Ofruesit e shërbimeve të mikpritjes”
b) “Ofruesit e vendeve për bujtje”
c) “Ofruesit e strehimit”, eventualisht, “Ofruesit e strehës”

a) Është mjaft interesante, sepse kemi mundësinë që t’i qasemi pak më mirë këtij sektori, siç është sektori i shërbimeve të mikpritjes. Accommodation services e kam dëgjuar ngaherë të përkthehet “shërbimet e mikpritjes”. Fjala ‘mikpritje’ më pëlqen shumë, ngaqë i shkon shumë për shtat mendësisë së shqiptarit, asaj mendësie që Kanuni i Lekë Dukagjinit e shpreh mrekullisht: “Shtëpia e shqiptarit është e Zotit dhe e mikut”. (Meqë ra fjala, një prej vargjeve të Kanunit, të cilit Kadareja i ka ngritur përmendore).