እዚኦም አብ ገማግም ባሕሪ ብእኩብ መልክዕ ዝነብሩ መነባብሮኦም ድማ አም ምርባሕ ዓሳ ፣ ንግዳዊ ምንቅስቓሳትን ክቡራት ዕንቊታት ባዕሪ ብምእላሽን ዝአመሰሉን ስራሕቲ ዝመስረቱ ዓሌታት ወይ ከዓ ቀቢላታት እዮም፡፡ ከምዚአቶም ዝአመሰሉ ሰባት አብ ዝተፈላለየ ክፍልታት ዓለም አብ ከም አውሮፓ ፣ ኤስያ ፣ ደቡብ አሜሪካን አፍሪቃን ካልኦትን ዝርከቡ እንትኾኑ ፤ ከም አብ ወሰን ባሕርን አብ ልዕሊ ማያትን ብዕንጨይቲ ገይሮም ገዛ ዝሰርሑ እዮም፡፡ ንአብነት አብ ማሌዥያ ዝርከቡ ቀቢላታት ባሕሪ ባጆ ይበሃሉ፡፡ አብ ታይላንድን ማይናማርን ዝርከቡ ሞከን ይበሃሉ፡፡ ብፍላይ እዞም አብ ማሌዥያ ዝርከቡ ባጆ ዝተብሃሉ ዓሌትታት ነበርቲ ባሕሪ ብዙሕ ብምሕማስን ብዘይ ድካም አብ ውሽጢ ባሕሪ ነዊሕ ብምፅናሕን ዝፍለጡ እዮም፡፡ ንአስታት ዓሰርተ ሰለስተ ደቓይቕ ድማ አብ ውሽጢ ባሕሪ ብዘይ አየር ክፀንሑ ይኽእሉ፡፡ ከምኡ እውን አብ አውሮፓ ሮማ ከምኡ እዉን ሮማኒ ዝባሃሉ ዓሌታት ባሕሪ አለዉ፡፡ እዚአቶም አቲኦም ቅድሚ አሻሓት ዓመታት ካብ ፑነጃብ ዝባሃል ግዝአት ህንዲ ተበጊሶም ናብ ምብራቕ አውሮፓ ዝፈለሱ ዓሌታት ኮይኖም በስራሕቲ ሙዚቃን ሙዚቃዊ መርኢትን ከምኡ እዉን ብስራሕቲ ሓፂነመፂን ዝተፈለጡ ዓሌታት እዮም፡፡ አብ ከባቢታት ሮማኒያ ፣ ሃንጋሪ ፣ ዩጎዝላቪያ ፣ ቡልጋሪያን ሶቬት ሕብረት ዝነበረ ከባቢታትን ዝርከቡ ኮይኖም ዝዓበየ ናይ ሮማኒ ማሕብርሰብ ዘለዎም እዮም፡፡ ሮማንያ ካብ አውሮፓ እቲ ዝበዝሕ ህዝቢ ሮማ ዘለዋ እያ፡፡